Уруул минь хагарч,
Нулимсныхаа шорвогийг
шингээж даагаагүй юм болов уу даа.
Хацар минь улайж,
Ганцаардлынхаа жаврыг
бүлээцүүлж чадаагүй юм болов уу даа.
Харц минь сүүмийж,
Сэтгэлийнхээ хөлчүүрхэлийг
зогсоож дийлээгүй юм болов уу даа.
Хумс минь хугарч,
Цөхрөлийнхөө самардалтыг
тэсэж хүчрээгүй юм болов уу даа.
Амьсгал минь тасарна,
Аллагад дуртай
амьдралдаа боомилууснаас тэр болов уу даа.

1 comments:

Агиймаа О Бүргэд / Аврора.О said...

Гоё юм, таалагдаж байна