Ажил дээр Мартин Иден-ээ уншиж дуусаад гарсан. Үүдэнд тамхи асаагаад аажуухан алхсан. Салхи ч үгүй, бүрий тасраад л, сайхан байсан. Яагаад ч юм нэг их тайтгарал дотор минь бий болчихсон. Мартин үхсэнд санаа амрав уу, аль эсвэл, амьдралыг үнэхээр л ингээд дуусгачихаж болно гэдэгт санаа амрав уу, сайн ялгасангүй. Би ч бас түүн шиг залхсан. Дуу чимээнээс. Хүмүүсийн дуу чимээнээс. Амьдралын дуу чимээнээс. Замд таарсан 4 халамцуу залуугийн чимээ үнэн тээртэй сонсогдсон. Такси барих гэж яваад, яагаад ч юм троллейбусанд суучихсан. Бариулнаас барьсан гаранд гараа хүргэн зогсох залуу, зай байсаар байтал заавал намайг шүргэж өнгөрөх кондуктор. Аль аль нь цухал хөдөлгөсөн. 1 буудал яваад буусан. Үхлээ гэхэд, би хэзээ ч живж үхэхгүйгээ мэдсэн. Учир нь би уснаас айдаг. Айдас! Одоо болтол миний дотор бяцхан ч гэсэн айдас байна гэдэг нь, надад "амьдрах хүслэн" байна гэсэн үг. Үүнийгээ мэдээд өөрөө өөртөө гутсан. Дэлгүүрээс 5 боргио авсан. Кассанд зогсож байтал хэн нэгэн нь аймшигтай өмхийгөөр унгасан. "Амьдралын өмхий"! Боргиогоо аваад гэртээ орсон. Тоосонд дарагдсан ч гэсэн энд л би дуу чимээнээс ангид байж чадна гэхээс дотор цэлмээд ирсэн.
"Хүн хүний зүрх
Мөнхөд цохилохгүй!...
Ийм болохоор бурхдыг бишрэн магтах ёстой. Энэ хорвоод тэдний хийсэн ганц буянт үйл энэ! ...
... Амьдрах хүслэнг Мартин мэхэлж чадлаа!"
Би ч бас тэгмээр .., Мартиныг шүүгээнд хийгээд дараагийн номоо бодон хэсэг зогслоо. "Зуунаас ч урт өдөр" ..,

2 comments:

oldoshaksli said...

Zuunaas ch urt udur . . .

Tolgoigoo shirluulsen mankurt bool . .

hezee ch duusahgui yum shig huvruh orshuulga .

tedniig ajin tengert ergeh burged, erh chuleet ter shuvuu urgelj gazriin amidraliig shirtej baidag. tengeree shirteh gej neg l oroldvoos ter unaj uhne

Tegeed ter gaihaltai romand ene nernees uur zohistoi zuil ugui.

Chin unendee neriig ni avaad hayachhihval huulsan yum iv ijilhen bidnii amidral..

Tegeed ter amidrald uhlees uur songodog hariult, arga zam ugui...

Uuniig uhaaraad nadad gunih setgel turuugui, chingiz ch gesen romanaa duusgaad uilaagui

ollie said...

харин тэхх :)