Газраа олж ядан гишгэлэх
Халамцуухан, гундуухан ахимаг эрийн
Булингартсан сүүмгэр харцаар
Хорвоо хэтэрхий шударга бус.


Гутарсандаа арайхийн алхлах
Хөнгөмсөг биеэ үнэлэгч бүсгүйн
Хэвлийгээ илэх гарт мэдрэгдэх
Амьдрал хэтэрхий гутамшигтай.


Хууртсандаа дотогшоо мэгшин
Бодолд дарагдан суух эр нөхрийн
Гартаа атгасан хундаганы ард харагдах
Хорвоо хэтэрхий хуурамч.


Хүн таньж сураагүйдээ
Дэрээ нэвтлэн уйлах охины
Нулимсан цаана үзэгдэх
Амьдрал хэтэрхий хэрцгий.


Амьд байх нь
Өөрөө шийтгэл.

0 comments: