Энэ хотод
Хэдэн сая хүн амьдардаг ч
Тэд хоорондоо огт ярьдаггүй,
Нэг нэгэндээ хэзээ ч дурладаггүй,
Хайр гэдэг үгийг ч мэддэггүй.
Биесээ хялайн харсаар зөрөлдөж,
Боломж олдох бүрийд нэгнээ хөнөөж,
Шинээр ирэгсэдийг зүхэж,
Шороонд булагсадаа харан баярлана.
Энэ хот анх үүсэхдээ
Оршин суугчид нь огт өөр байсан тухай
Гучин хэдэн жилийн тэртээх амьдралыг
Мэдэх хүмүүс тун цөөн үлдсэн.
Тэр цөөнх
Хот нь ямар цэвэрхэн,
Ямар их хайраар дүүрэн,
Хаа сайгүй аз жаргал байсан тухай
Гунигтайхан дурссаар өөд болцгооно.
Энэ хотыг
МИНИЙ БИЕ гэдэг.

0 comments: