Чамайг би
Хар дээр
Цагаанаар зурлаа.
Цайран гэрэлтэх төрх чинь
Над руу
Инээмсэглэдэг байлаа.
Цаг хугацаа улирах тусам
Чиний төрх бүдгэрсээр,
Харин цаас нь цайрсаар
Нэг л өдөр
Саарал цаасан дээрх
Саарал төрх чинь
Ялгарч харагдахаа болив.
Харагдахаа байсан
Чамайг би
Мартаж эхлэв.
Төд удалгүй
Цаас цагаарсаар,
Чи харласаар,
Цагаан дээрх
Чиний хар төрх
Над руу
Хөмсөг зангидан ширтэх болов.

0 comments: