"Тавилангаа өөрөө зохионо гэж
Тэнэглэсээр яваад төгсөж байгаа чинь
Таалагдаж байна уу тэгээд?" гэж
Тавлангуй инээмсэглэхэд нь хариулсангүй.

"Хэнээр ч алдаагаа шүүлгэхгүй гэж
Хэгжүүрхсээр байгаад өнгөрч байгаа чинь
Хөгжилтэй байна уу тэгээд?" гэж
Хэрцгий мушийхад нь хариулсангүй.

"Зүгээр л минийхээр болно гэж
Зөрүүдлэсээр зүтгээд дуусаж байгаа чинь
Зугаатай байна уу тэгээд?" гэж
Зуунги асуухад нь хариулсангүй.

Өөртэй нь дуугарахаа болиод
Өчнөөн удаж байгаад
Өширхөн өвдсөөр байгаа
Өрөвдөлтэй амьдрал.

0 comments: